UP,HS ക്ലാസുകൾക്ക് ഒക്ടോബർ 25 ശനി പ്രവർത്തി ദിനമായിരിക്കും

UP,HS
ക്ലാസുകൾക്ക് ഒക്ടോബർ 25 ശനി
പ്രവർത്തി ദിനമായിരിക്കും

..

മഴ അവധി -22/10/2025 -ബുധൻ

അറിയിപ്പ്

മഴ
ഇടുക്കി,പാലക്കാട്,മലപ്പുറം ,പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി (22/10/2025) ബുധൻ

ഭിന്നശേഷി Prematric, NMMS എന്നീ സ്‌കോളർഷിപ്പുകൾക്ക് (Fresh & Renewal) ഓൺലൈൻ ആയി അപേക്ഷ സമർപ്പിക്കാനുള്ള അവസാന തീയതി നീട്ടി..

ഭിന്നശേഷി Prematric, NMMS എന്നീ സ്‌കോളർഷിപ്പുകൾക്ക് (Fresh & Renewal) ഓൺലൈൻ ആയി അപേക്ഷ സമർപ്പിക്കാനുള്ള അവസാന തീയതി നീട്ടി..

(National Scholarship Portal)

അവസാന തീയതി : ഒക്ടോബർ 31.

NMMS:

- ഇപ്പോൾ 9,10,+1+2 ക്ലാസ്സിൽ പഠിക്കുന്നവരും മുൻ വർഷം NMMS സ്കോളർഷിപ്പിന് അർഹത നേടിയവരുമായിരിക്കണം. 

Prematric Disability Scholarship (NSP):

- 9,10 ക്ലാസ്സുകളിൽ പഠിക്കുന്ന ഭിന്നശേഷി വിദ്യാർത്ഥികൾക്ക്..

കൂടുതൽ വിവരങ്ങൾ More/ Links പേജിലെ Scholarship page നോക്കുക

സ്ഥാപനങ്ങളുടെ തീർപ്പാക്കാത്ത വെരിഫിക്കേഷൻ 08-10-2025 ഉച്ചയ്ക്ക് 1 മണി മുതൽ 09-10-2025 ഉച്ചയ്ക്ക് 1 മണി വരെ മാർഗ്ഗ ദീപം SITE തുറന്നിരിക്കും. 

NB: പുതിയ അപേക്ഷകൾ സ്വീകരിക്കുന്നതല്ല.

ANY DOUBT PLEASE CONTACT

0471 2300523

0471 2300523

0471-2302090

OEC Premetric Scholarship

e-grantz

ഒഇസി പ്രീമെട്രിക് സ്കോളർഷിപ്പ് 2025-26 അപേക്ഷ സമർപ്പിക്കാനായി ഇ-ഗ്രാന്റ്‌സ് പോർട്ടൽ ഒക്ടോബർ 31 വരെ തുറന്നിട്ടുണ്ട്.
Apply for the OEC Premetric Scholarship 2025-26 via e-Grantz portal before October 31.

School App Kerala

📅

നാളെ പ്രവൃത്തിദിനം

04 ഒക്ടോബർ 2025 (ശനി)

8, 9, 10 ക്ലാസുകൾ

പ്രവൃത്തിദിനം ആയിരിക്കും

1 മുതൽ 7 ക്ലാസുകൾ

അവധി ആയിരിക്കും

UDISE+ 2025-26: ഡാറ്റാ എൻട്രി ഒക്ടോബർ 31 വരെ നീട്ടി..

UDISE+ 2025-26: ഡാറ്റാ എൻട്രി ഒക്ടോബർ 31 വരെ നീട്ടി.

സംസ്ഥാനത്തിലെ എല്ലാ സ്‌കൂളുകളിലെയും 2025-26 വർഷത്തെ
LP, UP, HS, HSS, Pre-Primary മുഴുവൻ കുട്ടികളുടെയും വിവരങ്ങൾ UDISE Plus ൽ അപ്‌ഡേറ്റ് ചെയ്യണം.

2025-26: എല്ലാ സ്‌കൂളുകളും 2025-26 വർഷത്തെ കുട്ടികളുടെ വിവരങ്ങൾ സെപ്തംബർ 30-നകം അപ്‌ലോഡ് ചെയ്ത് പൂർത്തിയാക്കണം
Circular 26.05.2025

UDISE+ Profile Link UDISE+ Teachers Module UDISE+ Students Module

Data Entry Instructions (2025-26):

• Students-നെ Import ചെയ്യുമ്പോൾ Admission Date: 03/06/2025 എന്ന് കൊടുത്താൽ മതിയാകും.
• LP, UP, HS, HSS, Pre-Primary മുഴുവൻ വിദ്യാർത്ഥികളുടെയും വിവരങ്ങൾ UDISE Plus ൽ അപ്‌ഡേറ്റ് ചെയ്യുക.
• Data Entry ഉം Upload ഉം സെപ്റ്റംബർ 30-നകം പൂർത്തിയാക്കുക. ഡാറ്റാ എൻട്രി അവസാന അഞ്ച് ദിവസം ഏറെ തിരക്ക് കാണും; മുൻകൂട്ടി ചെയ്യുന്നത് നല്ലത്.

സ്‌കൂളുകളിലെ ലിറ്റിൽ കൈറ്റ്സ് യൂണിറ്റുകൾക്ക് വേണ്ടി റീൽസ് മത്സരം സംഘടിപ്പിക്കുന്നു.

"എന്റെ സ്കൂൾ എന്റെ അഭിമാനം" എന്ന വിഷയത്തിൽ സംസ്ഥാനത്തെ സ്‌കൂളുകളിലെ ലിറ്റിൽ കൈറ്റ്സ് യൂണിറ്റുകൾക്ക് വേണ്ടി റീൽസ് മത്സരം സംഘടിപ്പിക്കുന്നു.

- മികച്ച റീലുകൾക്ക് സംസ്ഥാനതലത്തിൽ പ്രത്യേക ആദരവ് നൽകും..

- പുറമെ, സംസ്ഥാനതലത്തിൽ തെരഞ്ഞെടുക്കപ്പെടുന്ന 100 സ്‌കൂളുകൾക്ക് 5000 രൂപ ക്യാഷ് അവാർഡ്..

- റീൽസ് അയക്കേണ്ട അവസാന തീയതി: 09/10/2025

Circular Latest Orders പേജിൽ

KTET Provisional Answer Key Published

.

വാർത്താസമ്മേളനം - സ്കൂൾ കലോത്സവം - UID - ഭിന്ന ശേഷി സംവരണം

ഏഷ്യയിലെ ഏറ്റവും വലിയ കലാമേളയായ സംസ്ഥാന സ്കൂൾ കലോത്സവത്തിന്റെ 64-ാമത് പതിപ്പിന് സാംസ്കാരിക തലസ്ഥാനമായ തൃശൂർ ആതിഥേയത്വം വഹിക്കുകയാണ്. 

2026 ജനുവരി 7 മുതൽ 11 വരെ അഞ്ച് ദിവസങ്ങളിലായാണ് കലോത്സവം അരങ്ങേറുക. 

ഏഷ്യയിലെ ഏറ്റവും വലിയ കൗമാര കലാമേള ചരിത്രസംഭവമാക്കി മാറ്റാനുള്ള തയ്യാറെടുപ്പിലാണ് സർക്കാർ. 

19 സബ് കമ്മിറ്റികളുടെയും ചെയർമാൻമാരുടെയും കൺവീനർമാരുടെയും കൂട്ടായ പ്രവർത്തനത്തിലൂടെയും തൃശ്ശൂരിലെ ജനങ്ങളുടെ അകമഴിഞ്ഞ സഹകരണത്തിലൂടെയും ഈ മേള ഒരു വൻവിജയമാകുമെന്ന് ഉറപ്പുണ്ട്. 

മേളയുടെ പ്രചാരണത്തിനായി പ്രോമോ വീഡിയോ അടക്കമുള്ള ആധുനിക പ്രൊമോഷണൽ സംവിധാനങ്ങൾ ഉപയോഗിക്കും. 

പരിസ്ഥിതി സൗഹൃദ മേളയെന്ന നിലയിൽ ഗ്രീൻ പ്രോട്ടോക്കോൾ കർശനമായി പാലിച്ചുകൊണ്ട് മാതൃകാപരമായ ഒരു കലോത്സവമാണ് ലക്ഷ്യമിടുന്നത്.

കലോത്സവ നടത്തിപ്പുമായി ബന്ധപ്പെട്ട സുപ്രധാന തീരുമാനങ്ങൾ കൈക്കൊള്ളുന്നതിനായി 2025 ജൂലൈ 25-ന് തിരുവനന്തപുരത്ത് അധ്യാപക സംഘടനാ പ്രതിനിധികളുടെ യോഗം ചേർന്നിരുന്നു. 

തുടർന്ന്, ഓഗസ്റ്റ് 12-ന് ബഹു. റവന്യൂ ഭവന നിർമ്മാണ വകുപ്പ് മന്ത്രി ശ്രീ. കെ രാജന്റെ അധ്യക്ഷതയിൽ തൃശൂരിൽ ചേർന്ന യോഗത്തിൽ സംഘാടക സമിതിക്ക് രൂപം നൽകി.

 * പങ്കാളിത്തം: 249 ഇനങ്ങളിലായി സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള ഏകദേശം 14,000 വിദ്യാർത്ഥികൾ മേളയിൽ മാറ്റുരയ്ക്കും.

 * വേദികൾ: മത്സരങ്ങൾക്കായി ഏറ്റവും അനുയോജ്യമായ വേദികൾ കണ്ടെത്തുന്നതിന് പൊതുവിദ്യാഭ്യാസ ഡയറക്ടറുടെ നേതൃത്വത്തിൽ വിദഗ്ദ്ധ സമിതിയെ നിയോഗിക്കും.

 * താമസം: മത്സരാർത്ഥികൾക്കും ഒഫീഷ്യൽസിനും താമസിക്കുന്നതിനായി നഗരത്തിലെ വിവിധ വിദ്യാലയങ്ങൾ സജ്ജീകരിക്കും.

 * ഭക്ഷണം: കലോത്സവത്തിൽ പങ്കെടുക്കുന്നവർക്കും സംഘാടകർക്കും ഉൾപ്പടെ എല്ലാവർക്കും മികച്ച നിലവാരത്തിലുള്ള ഭക്ഷണം ഒരുക്കും.

 * ബഡ്ജറ്റും സ്പോൺസർഷിപ്പും: സർക്കാർ അനുവദിച്ച ബഡ്ജറ്റിന് പുറമെ, സ്പോൺസർമാരെ കണ്ടെത്തി മേള കൂടുതൽ വർണാഭമാക്കാൻ എല്ലാ സബ് കമ്മിറ്റികൾക്കും നിർദ്ദേശം നൽകിയിട്ടുണ്ട്.

 * അവാർഡുകൾ: 'എ ഗ്രേഡ്' നേടുന്ന എല്ലാ വിദ്യാർത്ഥികൾക്കും സർക്കാർ 1,000 രൂപയുടെ സാംസ്കാരിക സ്കോളർഷിപ്പ് നൽകും. 

കൂടാതെ, സ്പോൺസർഷിപ്പിലൂടെ ഇവർക്ക് പ്രത്യേക മൊമെന്റോ നൽകുന്നതിനുള്ള ക്രമീകരണങ്ങൾ ട്രോഫി കമ്മിറ്റി ചെയ്യും.

സ്വർണ്ണക്കപ്പ് ഘോഷയാത്രയെക്കുറിച്ചുള്ള വിശദാംശങ്ങൾ ഉടൻ അറിയിക്കുന്നതാണ്.

തൃശ്ശൂരിലെ ജനപ്രതിനിധികളുടെയും സ്ഥാപനങ്ങളുടെയും പൊതുജനങ്ങളുടെയും സജീവ പങ്കാളിത്തത്തോടെ 64-ാമത് സംസ്ഥാന സ്കൂൾ കലോത്സവം അവിസ്മരണീയമാക്കാനാണ് സംഘാടക സമിതി ലക്ഷ്യമിടുന്നത്.

*സംസ്ഥാന കലോൽസവം -2025 വേദികൾ*

വേദികൾ

1 തേക്കിൻകാട് മൈതാനം (എക്സിബിഷഷൻ ഗ്രൗണ്ട് )

2 തേക്കിൻകാട് മൈതാനം (തെക്കേ ഗോപുരനട )

3 തേക്കിൻകാട് മൈതാനം (നെഹ്റു പാർക്കിന് സമീപം )

4 സി.എം.എസ് എച്ച് എസ്. എസ് (ഓപ്പൺസ്റ്റേജ്) തൃശൂർ

5 സി.എം.എസ്.എച്ച് എസ്. എസ്. തൃശൂർ

6 വിവേകോദയം എച്ച് എസ്.എസ്. തൃശൂർ

7 വിവേകോദയം എച്ച് എസ്. എസ്. (ഓപ്പൺസ്റ്റേജ്) തൃശൂർ

8 മോഡൽ ബോയ്‌സ്‌ എച്ച് എസ് എസ്

9 ഗവ ട്രെയിനിങ് കോളേജ് തൃശൂർ

10 സാഹിത്യ അക്കാദമി (ഓപ്പൺസ്റ്റേജ് )തൃശൂർ

11 സാഹിത്യ അക്കാദമി ഹാൾ തൃശൂർ

12 ടൗൺഹാൾ തൃശൂർ

13. സംഗീതനാടക അക്കാദമി ഹാൾ (കെ.ടി. മുഹമ്മദ് സ്‌മാരക തിയ്യറ്റർ)

14 പ്രൊഫ. ജോസഫ് മുണ്ടശ്ശേരി ഹാൾ തൃശൂർ

15 ജവഹർ ബാലഭവൻ ഹാൾ തൃശൂർ

16 ഹോളി ഫാമിലി എച്ച് എസ് തൃശൂർ

17 ഹോളി ഫാമിലി എച്ച് എസ്.എസ്. തൃശൂർ

18 സെന്റ് ക്ലെയേഴ്സ് എൽ. പി. എസ്. തൃശൂർ

19 സെന്റ് ക്ലെയേഴ്സസ് എച്ച്. എസ്.എസ്.

20 ഫൈൻ ആർട്സ് കോളേജ് തൃശൂർ

21 സേക്രഡ് ഹാർട്ട് എച്ച് എസ്. എസ്. തൃശൂർ

22 സെന്റ് തോമസ് കേളേജ് എച്ച് എസ്.എസ്.

23 കാൽഡിയൻ സിറിയൻ എച്ച് എസ്.എസ്.

24 പോലീസ് അക്കാദമി രാമവർമ്മപുരം തൃശൂർ

25 മുരളി തിയറ്റർ

26 സെൻ്റ് ജോസഫ് എച്ച് എസ് തൃശൂർ

*സംസ്ഥാന സ്കൂൾ ഒളിമ്പിക്സ്*

സ്കൂൾ ഒളിമ്പിക്സിന്റെ  മാനുവൽ പരിഷ്കരണം അവസാനഘട്ടത്തിൽ എത്തിയിരിക്കുകയാണ്. 

ഇത് പരിഷ്കരിച്ച് ഗവൺമെന്റ് ഉത്തരവ് ആകുന്ന മുറയ്ക്ക്  കളരിപ്പയറ്റ് ഉൾപ്പെടെ പുതിയ മത്സരങ്ങളും നിലവിൽ ഉൾപ്പെടുത്താത്ത ചില മത്സരങ്ങളുടെ കാറ്റഗറികളും  ഉൾപ്പെടുത്തുന്നതാണ്.

യു ഐ ഡി

യു ഐ ഡി ഇല്ലാത്ത കുട്ടികളെ തസ്തിക നിർണയത്തിന് ഈ വർഷം പരിഗണിച്ചിട്ടില്ല.

യു ഐ ഡി ഇല്ല എന്ന കാരണത്താൽ എത്ര അധ്യാപക - അനധ്യാപക ജീവനക്കാർക്ക് തസ്തിക നഷ്ടപ്പെട്ടു എന്നത് സംബന്ധിച്ച് കണക്ക് ശേഖരിക്കാൻ നിർദേശം നൽകിയിട്ടുണ്ട്. 

യു ഐ ഡി ഇല്ല എന്ന കാരണം കൊണ്ട് ഒരു കുട്ടിക്കും അനുകൂല്യങ്ങൾ ലഭ്യമാകാതിരിക്കില്ല. 

പാഠപുസ്തകം, യൂണിഫോം, ഉച്ചഭക്ഷണം എന്നിവയെല്ലാം ലഭിക്കും. 

യു ഐ ഡി വിഷയം ബാധിക്കുന്നത് തസ്തികകളെ മാത്രമാണ്. 

ആധാർ കാർഡിനു പകരം കുട്ടികളുടെ ജനന സർട്ടിഫിക്കറ്റ് തിരിച്ചറിയൽ രേഖയാക്കുന്നതുമായി ബന്ധപ്പെട്ട പഠനം നടത്താനും സ്‌കൂളുകളിലെ തസ്തിക നിർണയം കുറച്ചുകൂടി ലഘൂകരിക്കാനും ആവശ്യമായ നിർദ്ദേശങ്ങൾ സമർപ്പിക്കാൻ പൊതു വിദ്യാഭ്യാസ സെക്രട്ടറി അടങ്ങുന്ന ഒരു ഉന്നതതലസമിതിയെ നിയോഗിച്ചിട്ടുണ്ട്.

ഒക്ടോബർ മാസത്തിൽ തന്നെ ഇത് സംബന്ധമായ പഠന റിപ്പോർട്ട് സർക്കാരിന് സമർപ്പിക്കാൻ നിർദ്ദേശം നൽകിയിട്ടുണ്ട്.

 ഈ റിപ്പോർട്ട് ലഭ്യമായ ഉടൻ ബഹുമാനപ്പെട്ട മുഖ്യമന്ത്രിയുടെ ശ്രദ്ധയിൽപ്പെടുത്തി ആവശ്യമായ ഭേദഗതികൾ വരുത്തും.

കെ ഇ ആർ പരിഷ്കരണം

കെ ഇ ആർ, ആയിരത്തി തൊള്ളായിരത്തി അമ്പത്തി ഒമ്പതിൽ നിലവിൽ വന്നതിനു ശേഷം കാലാനുസൃതമായി ഒരുപാട് മാറ്റങ്ങൾ വിദ്യാഭ്യാസ രംഗത്ത് വരികയും വിദ്യാഭ്യാസ അവകാശ നിയമം പോലുള്ള നിയമ നിർമ്മാണങ്ങൾ നടക്കുകയും വിവരസങ്കേതിക വിദ്യ എല്ലാ മേഖലകളിലും വികസിക്കുകയും ചെയ്തിട്ടുണ്ട്.

ആയതിൻ്റെ അടിസ്ഥാനത്തിൽ കെ ഇ ആർ- ലെ പല നിയമങ്ങളും ചട്ടങ്ങളും അപരിഷ്‌കൃതവും കാലഹരണപ്പെട്ടതുമാണ്.

ഇത്തരം നിയമങ്ങൾ കാലാനുസൃതമായി പരിഷ്‌ക്കരിക്കുന്നതിൻ്റെ ഭാഗമായി നിയമനാംഗീകാരവും തസ്തികനിർണയവും ഉൾപ്പടെ സമന്വയ പ്ലാറ്റ്ഫോം മുഖേനെ ഓൺലൈൻ ആക്കുകയും ആയതിലെ നടപടികളിൽ ഓട്ടോമേഷൻ കൊണ്ടുവന്നു നടപ്പിൽ വരുത്താൻ സർക്കാർ തത്വത്തിൽ തീരുമാനം എടുക്കുകയും ചെയ്തു.

ഇത്തരത്തിൽ കെ ഇ ആർ സമൂലമായി പരിഷ്‌കരിക്കുന്നതിന് വകുപ്പ് തലത്തിൽ ഉദ്യോഗസ്ഥരുടെ സേവനം കൂടെ ലഭ്യമാക്കി പ്രൊപ്പോസൽ തയ്യാറാക്കി ആയത് സർക്കാരിൻ്റെ പരിഗണനയിലാണ്.

ആയത് നടപ്പിലാകുന്നതോട് കൂടി വകുപ്പിലെ പ്രവർത്തനങ്ങൾ കൂടുതൽ സുതാര്യമായും കാര്യക്ഷമമായും സമയബന്ധിതമായും നടക്കുന്നതാണ്. 

കെ ഇ ആർ പരിഷ്കരണം സംബന്ധിച്ച് നിലവിലുള്ള സമിതി ആവശ്യമായ പരിഷ്കരണങ്ങൾ നടത്തിക്കൊണ്ടിരിക്കുകയാണ്.

എയ്ഡഡ് സ്കൂളുകളിലെ ഭിന്നശേഷി സംവരണം

എയ്ഡഡ് സ്കൂളുകളിൽ ഭിന്നശേഷി സംവരണവും നിയമനവും വേഗത്തിൽ ആക്കുന്നതിനു ബഹുമാനപ്പെട്ട സുപ്രീംകോടതിയുടെ നിർദേശപ്രകാരം സംസ്ഥാനതല, ജില്ലാതല സമിതികൾ രൂപീകരിച്ച് ഉത്തരവായിട്ടുണ്ട്. 

ഈ സമിതികളുടെ പ്രവർത്തനം ഓഗസ്റ്റ് 25ന് ആരംഭിച്ചു. 

2025 ജൂൺ 28 മുതൽ എയിഡഡ് സ്‌കൂളുകളിൽ നടന്ന ഭിന്നശേഷി സംവരണ നിയമനങ്ങൾ നടത്തേണ്ടത് ജില്ലാതല സമിതികളാണ്. 

ഒഴിവുകൾ വിട്ടുനൽകേണ്ടതിനുള്ള സൗകര്യം സമന്വയ സോഫ്റ്റ്‌വെയറിൽ ആണ് ലഭ്യമാക്കിയിട്ടുള്ളത്. 

സമന്വയ മുഖേന ലഭ്യമാക്കിയിട്ടുള്ള സൗകര്യങ്ങൾ മാനേജർമാർ ഉപയോഗപ്പെടുത്തി വരുന്നു. 

2025-26 വർഷത്തെ തസ്തിക നിർണയം സംസ്ഥാനത്ത് നടത്തിയിട്ടുള്ളതിനാൽ ഭിന്നശേഷി സംവരണത്തിനായി വിട്ടു നൽകപ്പെട്ട ഒഴിവുകളുടെ സ്ഥിരീകരണം വിദ്യാഭ്യാസ ഓഫീസർമാർ പരിശോധിച്ച് സ്ഥിരീകരിച്ച് ജില്ലാതല സമിതിയിലേക്ക് അയച്ചു വരുന്നു. 

ജില്ലാതല സമിതികളുടെ സുഗമമായ പ്രവർത്തനത്തിന് ഹൈസ്കൂൾ, ഹയർസെക്കൻഡറി, വൊക്കേഷണൽ ഹയർ സെക്കൻഡറി തലം വരെയുള്ള ജില്ലാതല സമിതി, റീജണൽ ഡെപ്യൂട്ടി ഡയറക്ടർ, അസിസ്റ്റന്റ് ഡയറക്ടർ, ജില്ലാ ഉപജില്ലാ വിദ്യാഭ്യാസ ഓഫീസർമാർ, മാനേജർമാർ, പ്രിൻസിപ്പൽമാർ, പ്രഥമാധ്യാപകർ ഉദ്യോഗാർത്ഥികൾ എന്നിവർ സ്വീകരിക്കേണ്ട നടപടികൾ സംബന്ധിച്ച് ആവശ്യമായ നിർദ്ദേശവും സർക്കാർ പുറപ്പെടുവിച്ചിട്ടുണ്ട്. 

കാറ്റഗറി ഒന്ന് മുതൽ ഏഴു വരെയുള്ള വിഭാഗങ്ങളിലെ നിയമനങ്ങൾക്കായി മാനേജർമാർ വിട്ടുനൽകിയ ഒഴിവുകൾ സ്ഥിരീകരിച്ച് വിദ്യാഭ്യാസ അധികാരികൾ ജില്ലാതല സമിതികൾക്ക് ആഗസ്റ്റ് എട്ടിനു തന്നെ നൽകണമെന്ന കർശന നിർദേശം സർക്കാർ പുറപ്പെടുവിച്ചിരുന്നു. 

ഇത്തരം ലഭ്യമാകുന്ന ഒഴിവുകളിലേയ്ക്ക് നിയമനത്തിന് യോഗ്യതയുള്ള ഭിന്നശേഷി ഉദ്യോഗസ്ഥരുടെ സീനിയോറിറ്റി പ്രകാരമുള്ള ലിസ്റ്റും ഫോൺ നമ്പറും സ്പെഷ്യൽ എംപ്ലോയ്മെന്റ് എക്സ്ചേഞ്ചിൽ നിന്നും ജില്ലാതല സമിതികൾ സ്വീകരിക്കാൻ നിർദ്ദേശം നൽകിയിരുന്നു. 

ഭിന്നശേഷി നിയമനം നടപ്പാക്കുന്നതിനായി മാനേജർമാർ റിപ്പോർട്ട് ചെയ്ത ഒഴിവുകൾ എംപ്ലോയ്മെന്റ് എക്സ്ചേഞ്ചിലേക്ക് നൽകിയിട്ടുണ്ട്. 

എംപ്ലോയ്മെൻ്റ് എക്സ്ചേഞ്ചിൽ നിന്നും ഉദ്യോഗാർഥികളുടെ വിവരങ്ങൾ ലഭിച്ചാൽ ഉടൻ തന്നെ നിയമന നടപടികളിലേക്ക് കടക്കും. 

ഒക്ടോബർ മാസത്തിൽ തന്നെ ആയിരത്തി നാനൂറോളം ഭിന്ന ശേഷി ഉദ്യോഗാർഥികൾക്ക് ആദ്യ ഘട്ടത്തിൽ നിയമന ശുപാർശ നൽകാനാകും.

തിരുവനന്തപുരം ജില്ലയിലെ വിദ്യാഭ്യാസ സ്ഥാപനങ്ങൾക്ക് ഇന്ന് (26.09.2025) അവധി

കനത്ത മഴ തുടരുന്ന സാഹചര്യത്തിൽ  തിരുവനന്തപുരം ജില്ലയിലെ പ്രൊഫഷണൽ കോളേജുകൾ അടക്കമുള്ള എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർ ഇന്ന് അവധി പ്രഖ്യാപിച്ചു. മുൻ നിശ്ചയിച്ച  പ്രകാരമുള്ള പൊതു പരീക്ഷകൾക്ക് മാറ്റം ഉണ്ടായിരിക്കുന്നതല്ല

മാർഗദീപം അപേക്ഷ തിയതി സെപ്റ്റംബർ 29 വരെ നീട്ടി

GIS വരിസംഖ്യ കുറവുള്ള ജീവനക്കാരുടെ വരിസംഖ്യ സെപ്റ്റംബർ മാസത്തെ ശമ്പളത്തിൽ വർദ്ധിപ്പിക്കേണ്ടതായിട്ടുണ്ട്

നിലവിൽ GIS വരിസംഖ്യ ആവശ്യമായതിലും കുറവുള്ള ജീവനക്കാരുടെ വരിസംഖ്യ സെപ്റ്റംബർ മാസത്തെ ശമ്പളത്തിൽ വർദ്ധിപ്പിക്കേണ്ടതായിട്ടുണ്ട്. സെപ്റ്റംബർ മാസത്തെ ശമ്പളത്തിൽ GIS വരിസംഖ്യ കുറവുള്ള ജീവനക്കാരുടെ ശമ്പളം ഉൾപ്പെട്ടിട്ടുണ്ടെങ്കിൽ ആയത് പാസാക്കാൻ സാധിക്കുന്നതല്ല. 

#നിലവിൽ GIS വരിസംഖ്യ അടച്ചു വരുന്ന ജീവനക്കാരൻ്റെ പ്രായം 50 വയസ് കഴിഞ്ഞാലും വരിസംഖ്യ ആവശ്യമായതിൽ കുറവാണെങ്കിൽ വരിസംഖ്യ ഉയർത്തേണ്ടതാണ്.

# GIS  വരിസംഖ്യ scale of pay യുടെ അടിസ്ഥാനത്തിലാണ് അടയ്‌ക്കേണ്ടത്. 

Scale of pay slab

a. 23000- 50200 Min Rs.400 Max Rs. 800

b. 23700-52600 മുതൽ 45600-95600 വരെ Min Rs.800 Max Rs.1600

c. 50200 -105300 മുതൽ 63700- 123700 വരെ Min Rs.1000 Max Rs.2000

d. 77200 - 140500 മുതൽ 129300- 166800 വരെ Min Rs.1500 Max Rs.2000

#UGC/Medical Edn/ AICTE തുടങ്ങിയ നിരക്കിൽ ശമ്പളം വാങ്ങുന്നവരുടെ Basic Pay + Personal Pay + Spl Pay + Grade Pay + DA എന്നിവയുടെ ആകെ തുകയുടെ 1.5 ശതമാനത്തിനെ 100 ൻ്റെ ഗുണിതമായി മുകളിലേയ്ക്ക് റൗണ്ട് ചെയ്തു GIS പ്രീമിയം നിർണ്ണയിക്കേണ്ടതാണ്.

ഇങ്ങനെ നിർണ്ണയിക്കുന്ന പ്രീമിയം പരമാവധി 2000 രൂപയിൽ നിജപ്പെടുത്തേണ്ടതാണ്. 

$. NB. എല്ലാ ജീവനക്കാർക്കും GIS Minimum Subscription ഉണ്ടായിരിക്കേണ്ടതാണ്.  

$. 01/09/2025 ൽ 45 വയസ്സ് തികയാത്തവർക്ക് മാത്രമേ മിനിമം തുകയുടെ ഇരട്ടി വരെ പ്രീമിയം തുക അടയ്ക്കാൻ അർഹതയുള്ളൂ. ഇങ്ങനെ അടയ്ക്കുമ്പോൾ പരമാവധി പ്രീമിയം 2000 രൂപയിൽ അധികരിക്കാൻ പാടില്ല.

$. 50 വയസ് കഴിഞ്ഞ് സർവ്വീസിൽ കയറിയവർക്ക് GIS Sub ആവശ്യമില്ല. കന്യാസ്ത്രികൾക്ക് GIS ഒപ്ഷണൽ ആണ്.

$. GIS തുക വർദ്ധിപ്പിക്കുന്നത് നിലവിലുള്ള പോളിസിയിൽ തന്നെയായതിനാൽ ഇൻഷുറൻസ് വകുപ്പുമായി ബന്ധപ്പെട്ട് മറ്റ് നടപടിക്രമങ്ങൾ ഒന്നും ഇക്കാര്യത്തിൽ ചെയ്യേണ്ടതില്ല.

എയ്ഡഡ് സ്‌കൂളുകളിലെ ഭിന്നശേഷി നിയമനം സംബന്ധിച്ചുള്ള ചർച്ചയുടെ ചുരുക്കം

വിവിധ എയ്ഡഡ് സ്‌കൂൾ മാനേജ്മന്റ് അസ്സോസിയേഷനുകളുമായി കഴിഞ്ഞ ദിവസം പൊതുവിദ്യാഭ്യാസ വകുപ്പിലെ ഉന്നത ഉദ്യോഗസ്ഥർ ചർച്ച നടത്തുകയുണ്ടായി. 

എയ്ഡഡ് സ്‌കൂളുകളിലെ ഭിന്നശേഷി 

നിയമനം സംബന്ധിച്ചുള്ളതായിരുന്നു യോഗം. 

ബഹുമാനപ്പെട്ട ഹൈക്കോടതിയും  

ബഹുമാനപ്പെട്ട സുപ്രീംകോടതിയും 

പുറപ്പെടുവിച്ച ഉത്തരവുകളുടെ 

അടിസ്ഥാനത്തിലാണ് ആർ.പി.ഡബ്ല്യൂ.ഡി. ആക്ടിലെ വ്യവസ്ഥകൾക്ക് അനുസൃതമായി 

സംസ്ഥാനത്തെ എയ്ഡഡ് സ്‌കൂളുകളിൽ 

ഭിന്നശേഷി വിഭാഗത്തിലുള്ളവരെ 

നിയമിക്കുന്നത് സംബന്ധിച്ചു സർക്കാർ 

തുടർ മാർഗനിർദേശങ്ങൾ പുറപ്പെടുവിച്ചു

പോരുന്നത്.

ഭിന്നശേഷി വിഭാഗത്തിലുള്ള 

ഉദ്യോഗാർഥികളുടെ നിയമനം മൂലം  

മറ്റു നിയമനങ്ങൾ തടസ്സം കൂടാതെ 

നടത്തുന്നതിനുള്ള നടപടികളും, 

ബഹുമാനപ്പെട്ട ഹൈക്കോടതിയുടെ 

ഉത്തരവുകളുടെ അടിസ്ഥാനത്തിൽ 

സർക്കാർ സ്വീകരിച്ചു വരുന്നുണ്ട്.

സംസ്ഥാനത്തെ ഓരോ  എയ്ഡഡ് സ്‌കൂളിലും ഭിന്നശേഷി നിയമനം പൂർണമായും 

പാലിക്കപ്പെടുന്നതുവരെ 

2018 നവംബർ 18  നും 2021 നവംബർ 8 നും 

ഇടയിലെ ഒഴിവുകളിൽ നിയമിക്കപ്പെട്ട 

ജീവനക്കാർക്ക് ശമ്പള സ്‌കെയിലിൽ 

പ്രൊവിഷണലായും 

2021 നവംബർ 8 ന് ശേഷം ഉണ്ടായ 

ഒഴിവുകളിൽ നിയമിക്കപ്പെട്ടവർക്ക്  

ദിവസ വേതന അടിസ്ഥാനത്തിലും നിയമനം 

നൽകുന്നതിനുമാണ് ബഹുമാനപ്പെട്ട കോടതി നിർദേശിച്ചത്.

ഭിന്നശേഷി വിഭാഗം ഉദ്യോഗാർഥിയെ 

ലഭ്യമാക്കി ബാക്ക് ലോഗ് പരിഹരിച്ച് മാനേജർ നിയമിക്കുകയും, 

ടി ഉദ്യോഗാർത്ഥിക്ക് 

അംഗീകാരം ലഭിക്കുകയും ചെയ്യുന്ന 

മുറയ്‌ക്കോ, ആർ.പി.ഡബ്ല്യൂ.ഡി ആക്ട് 

രണ്ടായിരത്തി പതിനാറ് സെക്ഷൻ മുപ്പത്തി നാലിൽ രണ്ട് പ്രകാരം നടപടികൾ 

പൂർത്തീകരിക്കുന്ന മുറയ്‌ക്കോ പ്രസ്തുത 

കാറ്റഗറിയിൽ പ്രൊവിഷണലായി തുടരുന്ന മറ്റ് നിയമനങ്ങൾ, നിയമന തീയതി മുതൽ 

വിദ്യാഭ്യാസ ഓഫീസർ പരിശോധിച്ച്

 റഗുലറൈസ് ചെയ്യാവുന്നതാണ്.

പ്രൊവിഷണൽ/ദിവസ വേതന 

അടിസ്ഥാനത്തിൽ നിയമിച്ച ജീവനക്കാർക്ക് 

ചട്ടപ്രകാരം സാധ്യമായ എല്ലാ 

ആനുകൂല്യങ്ങളും നൽകുന്നതിനുള്ള 

നടപടികൾ ഇനി പറയും പ്രകാരം സർക്കാർ സ്വീകരിച്ചിട്ടുണ്ട്.

പ്രൊവിഷണലായി ശമ്പള സ്‌കെയിലിൽ 

നിയമനാംഗീകാരം ലഭിച്ച ജിവനക്കാർക്ക് 

പെൻ നമ്പർ അനുവദിക്കുന്നതിനും, 

കെ.എസ്.ഇ.പി.എഫ്. അംഗത്വം ഗ്രൂപ്പ് 

ഇൻഷുറൻസിൽ അംഗത്വം നൽകുന്നതിനും നൽകുന്നതിനു  2024 ഏപ്രിൽ 3 ൽ 

ഉത്തരവായിട്ടുണ്ട്.

താത്കാലിക നിയമന ലഭിച്ച ജീവനക്കാർക്ക് അതേ മാനേജ്‌മെന്റിന് കീഴിലുള്ള മറ്റു 

സ്‌കൂളുകളിലെ വ്യവസ്ഥാപിത 

ഒഴിവുകളിലേക്ക് നിലവിലുള്ള രീതിയിൽ 

തന്നെ തുടരുമെന്ന വ്യവസ്ഥയിൽ 

സ്ഥലംമാറ്റം അനുവദിക്കാവുന്നതാണ് എന്ന് സർക്കാർ നിർദേശിച്ചിട്ടുണ്ട്.

പ്രൊവിഷണലായി നിയമനാംഗീകാരം ലഭിച്ച ജീവനക്കാരുള്ള സ്‌കൂളുകളിൽ/അതത് 

മാനേജ്‌മെന്റിൽ ഉയർന്ന തസ്തികകളിൽ 

ഒഴിവുണ്ടാകമ്പോൾ സീനിയോറിറ്റി 

അനുസരിച്ച് 

പ്രൊവിഷണലായി നിയമനാംഗീകാരം 

ലഭിച്ചവരാണ് അർഹരാകുന്നതെങ്കിൽ അവർക്ക് ഉയർന്ന തസ്തികകളിൽ ചട്ടം 43 ൽ

പ്രൊമോഷന് അവകാശം ഉള്ളതായി 

കണക്കാക്കി പ്രൊവിഷണലായി 

നിയമനാംഗീകാരവും തസ്തികയിലെ 

ശമ്പളവും അനുവദിക്കാനും നിർദ്ദേശം 

നൽകിയിട്ടുണ്ട്.

ശമ്പള സ്‌കെയിലിൽ പ്രൊവിഷണലായി 

 നിയമനാംഗീകാരം ലഭിച്ച അദ്ധ്യാപകർക്ക്  കെ.ഇ.ആർ-ൽ നിഷ്‌കർഷിച്ചിട്ടുള്ള 

വ്യവസ്ഥകൾ പ്രകാരം 

അവധി ആനുകൂല്യങ്ങൾ നൽകുന്നതിനും 

സർക്കാർ 2025 സെപ്തംബർ 12 ലെ കത്ത് 

പ്രകാരം നിർദ്ദേശം നൽകിയിട്ടുണ്ട്.

സമാനമായ രീതിയിൽ ദിവസവേതന 

അടിസ്ഥാനത്തിൽ നിയമിച്ചവർക്കും 

ഈ ആനുകൂല്യം നൽകിയിട്ടുണ്ട്.

നായർ സർവ്വീസ് സൊസൈറ്റി ബഹുമാനപ്പെട്ട സുപ്രീംകോടതി മുമ്പാകെ ഫയൽ ചെയ്ത 

ഹർജിയിൽ  2025 മാർച്ച് 4 ൽ പുറപ്പെടുവിച്ച വിധിന്യായത്തിൽ ഭിന്നശേഷിക്കാർക്ക് 

സംവരണം ചെയ്തിട്ടുള്ള സീറ്റുകൾ ഒഴിച്ച് 

മറ്റ് ഒഴിവുകളിൽ നിയമനങ്ങൾ 

നടത്തുന്നതിനായി നൽകിയിട്ടുള്ള അനുമതി നായർ സർവ്വീസ് സൊസൈറ്റി 

മാനേജ്‌മെന്റിന്റെ കീഴിലുള്ള എയ്ഡഡ് 

സ്‌കൂളുകൾക്ക് മാത്രമാണ് ബാധകം എന്നാണ് സർക്കാരിന് ലഭിച്ച നിയമോപദേശം.  

ആയതനുസരിച്ചാണ് സർക്കാർ തുടർ 

നടപടികൾ സ്വീകരിച്ചു വരുന്നത്.

സുപ്രീം കോടതിയുടെ വിധിപ്രകാരം 

ഭിന്നശേഷി സംവരണം സംബന്ധിച്ച് 

നിയമനങ്ങൾ സമയബന്ധിതമായി 

നടത്തുന്നതിനും കാലതാമസം 

ഒഴിവാക്കുന്നതിനും  ജില്ലാ തല സമിതികൾ 

രൂപീകരിച്ചിട്ടുണ്ട്.

ഇനിമേൽ എംപ്ലോയ്മെന്റ് എക്സ്‌ചേഞ്ചിൽ  നിന്ന് ഭിന്നശേഷി വിഭാഗത്തിലുള്ള 

ഉദ്യോഗാർഥികളുടെ പട്ടിക ലഭ്യമാക്കി 

ജില്ലാതല സമിതികളാണ് സ്‌കൂൾ 

മാനേജമെന്റുകൾക്കു, അവർ ആവശ്യപ്പെടുന്ന ഭിന്നശേഷി വിഭാഗത്തിലെ ഉദ്യോഗാർഥിയെ 

നിയമനത്തിനായി നൽകുന്നത്.  

ജില്ലാതല സമിതി മുഖേനയുള്ള ആദ്യത്തെ  

നിയമന പ്രക്രിയ ഒക്ടോബർ 25 നകം 

പൂർത്തിയാക്കാൻ നിർദേശം നൽകിയിട്ടുണ്ട്.  

ജില്ലാതല സമിതി മുഖേനയുള്ള നിയമന

പ്രക്രിയ ആവശ്യമെങ്കിൽ വർഷത്തിൽ 

രണ്ട്  തവണ നടത്താൻ ഉദ്ദേശിക്കുന്നുണ്ട്.

പ്രസ്തുത  സമിതി പരിശോധിക്കുന്ന 

അപേക്ഷകൾക്ക് ശേഷവും നിലനിൽക്കുന്ന 

പരാതികൾ പരിശോധിക്കുന്നതിന് 

സംസ്ഥാനതലത്തിൽ നവംബർ 10 നകം 

അദാലത്ത് സംഘടിപ്പിക്കുന്നതാണ്. 

അദാലത്തിലേക്കുള്ള അപേക്ഷകൾ 

ഒക്ടോബർ 30 നകം സംസ്ഥാനതല 

സമിതിയുടെ കൺവീനറായ 

പൊതുവിദ്യാഭ്യാസ ഡയറക്ടർക്ക് 

സമർപ്പിക്കാവുന്നതാണ്.

സമന്വയ റോസ്റ്റർ പ്രകാരം ഏകദേശം 

ഏഴായിരം ഒഴിവുകൾ എങ്കിലും ഭിന്നശേഷി 

നിയമനത്തിനു മാനേജർമാർ 

മാറ്റിവെക്കേണ്ടതാണ്. 

എന്നാൽ ആയിരത്തി നാന്നൂറ് ഒഴിവുകൾ 

മാത്രമാണ് നിലവിൽ നിയമനത്തിനായി 

മാനേജർമാർ റിപ്പോർട്ട് ചെയ്തിരിക്കുന്നത്.

ഇതിലൂടെ ഭിന്നശേഷി സംവരണം 

അട്ടിമറിക്കുന്ന തരത്തിലുള്ള നിലപാടാണ് 

കുറച്ച് മാനേജർമാർ ചെയ്യുന്നത് . 

ഒഴിവ് റിപ്പോർട്ട് ചെയ്യുന്ന സ്‌ക്കൂളുകളിൽ 

മാത്രം ഭിന്നശേഷി ഉദ്യോഗാർത്ഥികളെ

 നിയമിക്കുകയും, 

ഒഴിവ് റിപ്പോർട്ട് ചെയ്യാതെ കാത്തിരുന്ന്  

ഭാവിയിൽ നോൺ അവയിലബിലിറ്റി 

സർട്ടിഫിക്കറ്റ്  വാങ്ങി പുറത്ത് നിന്നും മറ്റ് 

നിയമനം നടത്താം എന്ന അവസ്ഥ  ഉണ്ടാകും 

തസ്തിക നിർണയവും കുട്ടികളുടെ യു.ഐ.ഡിയും

2025 ആഗസ്റ്റ് 18 ലെ പൊതുവിദ്യാഭ്യാസ 

വകുപ്പിന്റെ ഉത്തരവു പ്രകാരം, സ്‌കൂളുകളിൽ ഇൻവാലിഡ് യു.ഐ.ഡി ഉള്ള 

വിദ്യാർത്ഥികളുടെ യു.ഐ.ഡി വാലിഡ് ആക്കി സമന്വയയിൽ അപ്‌ലോഡ് ചെയ്യുന്നതിനുള്ള സമയ പരിധി 2025 ഓഗസ്റ്റ് 20 വരെ നീട്ടി 

സർക്കാർ ഉത്തരവായിട്ടുണ്ട്. 

ആറാം പ്രവൃത്തി ദിനത്തിൽ യു.ഐ.ഡി ഉള്ള കുട്ടികളെ വ്യവസ്ഥകൾക്ക് വിധേയമായി 

രണ്ടായിരത്തി ഇരുപത്തിയഞ്ച് - 

ഇരുപത്തിയാറ്  അധ്യയന വർഷത്തെ 

തസ്തിക നിർണയത്തിന് പരിഗണിക്കുന്ന 

വിഷയം സർക്കാർ പരിശോധിച്ചു വരുന്നു. 

2025 സെപ്തംബർ 22 നു ഇത് സംബന്ധിച്ച ഒരു യോഗം വിളിച്ചു ചേർത്തിട്ടുണ്ട്.

സ്‌കൂൾ ബസ്സുകളിൽ ക്യാമറ സ്ഥാപിക്കുന്നത്

സ്‌കൂൾ കുട്ടികളുടെ സുരക്ഷയെ 

മുൻനിർത്തിയാണ് വിദ്യാഭ്യാസ 

സ്ഥാപനങ്ങളിലെ വാഹനങ്ങളിൽ 

മുൻവശത്തും, പുറകിലും അകത്തും

ക്യാമറ വെക്കണമെന്ന് ട്രാൻസ്‌പോർട്ട് 

കമ്മീഷണർ നിർദ്ദേശം നൽകിയിരിക്കുന്നത് 

എന്നതിനാൽ പ്രസ്തുത നിർദ്ദേശം 

പിൻവലിക്കണമെന്ന ആവശ്യം  

പരിഗണിക്കാൻ ആകില്ല.

ലാബ് അറ്റന്റർമാരുടെ ടെസ്റ്റ്

ലാബ് അറ്റന്റർമാരുടെ ടെസ്റ്റ് അവർ നിയമന 

സമയത്ത് പാസാകണമെന്നില്ലെന്നും 

നിരീക്ഷണ കാലയളവ് പൂർത്തിയാകുന്നതിനിടയ്ക്ക് പാസായാൽ മതിയെന്നും 

സ്‌പെഷ്യൽ റൂൾസിൽ വ്യക്തമാക്കിയിട്ടുണ്ട്.

തസ്തിക മാറ്റം വഴി ഏഴാം ക്ലാസ് 

യോഗ്യതയും നേരിട്ടുള്ള നിയമനം വഴി 

എസ് എസ് എൽ സി യോഗ്യതയും 

ഉള്ളവരാണ് സർവ്വീസിലുള്ളത്.

ലാബ് അറ്റന്റേഴ്‌സ് പരീക്ഷ കൃത്യമായ 

ഇടവേളകളിൽ നടത്താൻ കഴിഞ്ഞിരുന്നില്ല 

നാലോ അഞ്ചോ വർഷങ്ങളുടെ വ്യത്യാസം 

പരീക്ഷ നടത്തിപ്പിൽ വന്നിരുന്നു. 

നിലവിൽ സർവ്വീസിലുള്ള ഭൂരിപക്ഷം ലാബ് അസിസ്റ്റന്റുമാർക്കും പരീക്ഷ പാസാകാൻ 

സാധിച്ചിട്ടില്ല, 

ഇതുമൂലം വർഷത്തിൽ കിട്ടേണ്ട ഇൻക്രീമെന്റ്, ഗ്രേഡ് തുടങ്ങിയ സേവന ആനുകൂല്യങ്ങൾ 

അവർക്ക് ലഭിക്കുന്നില്ല.

അടിസ്ഥാന യോഗ്യത,  ടെസ്റ്റിന്റെ അംഗീകൃത സിലബസ് എന്നിവ സംബന്ധിച്ച് ഒരു യോഗം വിളിച്ചു ചേർക്കാൻ എസ്.സി.ഇ.ആർ.ടി. യെ  നിർദ്ദേശിച്ചിട്ടുണ്ട്.

*ഹൈടെക് പദ്ധതി*

ഹൈടെക് സ്‌കൂൾ് ഹൈടെക് ലാബ്  

പദ്ധതി പ്രകാരം

പതിനാറായിരത്തിയെട്ട് സ്‌കൂളുകളിലായി ഒരു ലക്ഷത്തി മുപ്പത്തി അയ്യായിരത്തി അഞ്ഞൂറ്റി അമ്പത്തിയൊന്ന് ലാപ്‌ടോപ്പുകൾ വിതരണം ചെയ്തു കഴിഞ്ഞു. 

പ്രൊജക്ടർ, സ്‌ക്രീൻ, റ്റി.വി, പ്രിന്റർ, 

ക്യാമറ, വെബ് ക്യാമറ, സ്പീക്കർ

ഉൾപ്പെടെയുള്ളവ ഇതിനോടകം തന്നെ സ്‌കൂളുകളിൽ വിതരണം ചെയ്ത് 

പ്രവർത്തന സജ്ജമാക്കിയിട്ടുണ്ട്. 

ഈ പ്രവർത്തനങ്ങൾക്ക് കിഫ് ബി വഴി 

അറുന്നൂറ്റി എൺപത്തി മൂന്ന് കോടി രൂപയും പ്രാദേശിക കൂട്ടായ്മയിൽ നിന്നും 

നൂറ്റി മുപ്പത്തിയഞ്ച് കോടി അമ്പത് ലക്ഷം രൂപയുമാണ് വിനിയോഗിച്ചിട്ടുള്ളത്. 

ഇതിനു പുറമെ ഇരുപത്തിയൊമ്പതിനായിരം റോബോട്ടിക് കിറ്റുകൾ സ്‌കൂളുകളിൽ 

വിന്യസിച്ചിട്ടുണ്ട്. 

രണ്ട് കോടി മൂപ്പത്തിയൊമ്പത് ലക്ഷം രൂപയാണ് ചെലവ് വന്നിട്ടുള്ളത്. 

ഇതിനു പുറമെ അയ്യായിരം കിറ്റുകൾ കൂടി നമ്മുടെ കുട്ടികൾക്ക് എത്തിക്കാനുള്ള 

നടപടികൾ അന്തിമഘട്ടത്തിലാണ്.

അക്കൗണ്ടന്റ് ജനറൽ ഓഫീസ് അദാലത്ത്

കേരള സർക്കാരിൽ സേവനമനുഷ്ഠിക്കുന്ന / വിരമിച്ച ജീവനക്കാരുടെയും, കുടുംബ പെൻഷൻകാരുടെയും പെൻഷൻ, ജിപിഎഫ് കേസുകളുമായി ബന്ധപ്പെട്ട് ദീർഘകാലമായി നിലനിൽക്കുന്ന പരാതികൾ പരിഹരിക്കുന്നതിന് അക്കൗണ്ടന്റ് ജനറൽ ഓഫീസ് അദാലത്തുകൾ നടത്തുന്നു. ഒക്ടോബർ 14 ന് തിരുവനന്തപുരം അക്കൗണ്ടന്റ് ജനറൽ ഓഫീസിൽ തിരുവനന്തപുരം, കൊല്ലം, പത്തനംതിട്ട, 21 ന് എറണാകുളം ഗോൾഡൻ ജൂബിലി റോഡിലുള്ള അക്കൗണ്ടന്റ് ജനറൽ ബ്രാഞ്ച് ഓഫീസിൽ ആലപ്പുഴ, കോട്ടയം, എറണാകുളം, ഇടുക്കി, തൃശൂർ, 27 ന് കോഴിക്കോട് ജവഹർ നഗറിലെ അക്കൗണ്ടന്റ് ജനറൽ ബ്രാഞ്ച് ഓഫീസിൽ കോഴിക്കോട്, പാലക്കാട്, മലപ്പുറം, കണ്ണൂർ, വയനാട്, കാസർകോട് ജില്ലകൾക്കുള്ള അദാലത്തുകൾ നടത്തും.

അദാലത്തിൽ പരാതികൾ സമർപ്പിക്കുന്നതിനുള്ള നിർദ്ദിഷ്ട ഫോർമാറ്റ് www.agker.ae@cag.gov.in - ൽ ലഭ്യമാണ്. പെൻഷൻ അല്ലെങ്കിൽ കുടുംബ പെൻഷൻ സംബന്ധിച്ച പരാതികൾ pensionadalat.ker.ae@cag.gov.in - ലും ജിപിഎഫുമായി ബന്ധപ്പെട്ട പരാതികൾ gpfadalaat.ker.ae@cag.gov.in - ലും അയക്കണം. 'പെൻഷൻ/ജി പി എഫ് അദാലത്തിനു വേണ്ടിയുള്ള അപേക്ഷ' എന്ന് എഴുതിയ പരാതികൾ അക്കൗണ്ടന്റ് ജനറൽ (എ & ഇ), കേരള, എംജി റോഡ്, തിരുവനന്തപുരം 695001 എന്ന വിലാസത്തിലും അയക്കാം. അദാലത്തിന് കുറഞ്ഞത് 15 ദിവസം മുമ്പെങ്കിലും ലഭിക്കുന്ന പരാതികൾ മാത്രമേ പരിഗണിക്കുകയുള്ളൂ. കോടതിയുടെ പരിഗണയിലുള്ളതും കഴിഞ്ഞ മൂന്ന് മാസത്തിനുള്ളിൽ ലഭിച്ച പരാതികളും അദാലത്തിൽ പരിഗണിക്കില്ല.

D.El.Ed (TTC) 2025-2027 അഡ്മിഷൻ: വിവിധ ജില്ലകളിൽ റാങ്ക് ലിസ്റ്റും ഇന്റര്‍വ്യു തീയതിയും പ്രസിദ്ധീകരിച്ചു..

DElEd Selection List (2025-27):

• Malappuram Dist.: Click Here

• Palakkad Dist.: Click Here

• Thrissur Dist. : Click Here

• Ernakulam Dist. : Click Here 

• Kozhikkode Dist.: Click Here 

• Kannur Dist. : Click Here

• Wayanad Dist. : Click Here
  

• Kasaragode Dist. : Click Here

• Alappuzha Dist. : Click Here

• Idukki Dist. : Click Here

• Kottayam Dist. : Click Here

• Kollam Dist. : Click Here

• Thiruvananthapuram Dist.: Click Here

• Pathanamthitta Dist. : Click Here

 

സംസ്ഥാന അധ്യാപക അവാർഡുകൾ പ്രഖ്യാപിച്ചു.

 അധ്യാപക അവാർഡുകൾ പ്രഖ്യാപിച്ചു. എൽപി, യുപി, ഹൈസ്‌കൂൾ വിഭാഗങ്ങളിൽ അഞ്ചുപേർ വീതവും ഹയർ സെക്കൻഡറിയിൽ നാലുപേരും വിഎച്ച്എസ്ഇയിൽ മൂന്നു പേരും പുരസ്‌കാരത്തിന് അർഹരായെന്ന് വിദ്യാഭ്യാസമന്ത്രി വി ശിവൻകുട്ടി അറിയിച്ചു. പാഠ്യ-പാഠ്യേതര രംഗങ്ങളിലെ പ്രവർത്തനം പരിഗണിച്ചും, മാതൃക ക്ലാസ് അവതരണം, അഭിമുഖം എന്നിവയിലെ പ്രകടനം കൂടി വിലയിരുത്തിയാണ് സംസ്ഥാന അവാർഡ് ജേതാക്കളെ തെരഞ്ഞെടുത്തത്. സെപ്തംബർ പത്തിന് വൈകീട്ട് 2.30ന് തിരുവനന്തപുരം ടാഗോർ തിയേറ്ററിൽ വെച്ച് പുരസ്കാരം വിതരണം ചെയ്യും.

എൽപി വിഭാഗം

1. ബി ബീന (പിഡി ടീച്ചർ ഗവൺമെന്റ് എൽപി സ്‌കൂൾ, പാട്ടത്തിൽ, തിരുവനന്തപുരം)

2. ബിജു ജോർജ്ജ് (പ്രഥമാദ്ധ്യാപകൻ, സെന്റ് തോമസ് എൽപിഎസ്, കോമ്പയാർ, ഇടുക്കി)

3. സെയ്ത് ഹാഷിം കെ (വിഎൽപിഎസ്ടിഎയുപി സ്‌കൂൾ, കുന്നുമ്മൽ, മലപ്പുറം)

4. കെ കെ ഉല്ലാസ് (എൽപിഎസ്ടി, സീനിയർ ഗ്രേഡ് ഗവൺമെന്റ് മുഹമ്മദൻസ് എച്ച്എസ്എൽപിഎസ്, ആലപ്പുഴ)

5. വനജകുമാരി (കെഎൽപിഎസ്ടി എയുപി സ്‌കൂൾ കുറ്റിക്കോൽ, കാസർകോട്)

യുപി വിഭാഗം

1. എസ് അജിത (യുപിഎസ്ടി പ്രബോധിനി യുപിഎസ്, വക്കം, തിരുവനന്തപുരം)

2. വി കെ സജിത്ത് കുമാർ (പിഡി ടീച്ചർ (യുപിഎസ്എ) മധുസൂദനൻ തങ്ങൾ സ്മാരക ഗവൺമെന്റ് യുപി സ്‌കൂൾ മട്ടന്നൂർ, കണ്ണൂർ)

3. ടി സൈജൻ (ടിയുപിഎസ്ടി ഗവൺമെന്റ് വിഎച്ച്എസ്എസ്, അയ്യന്തോൾ, തൃശ്ശൂർ)

4. അഷ്‌റഫ് മോളയിൽ (യുപിഎസ്ടി ഗവ. എംയുപിഎസ് അരീക്കോട്, മലപ്പുറം)

5. മുഹമ്മദ് മുസ്തഫ (ടിപിപിഡി ടീച്ചർ ഗവ. യുപി സ്‌കൂൾ പുറത്തൂർ, മലപ്പുറം)

സെക്കന്ററി വിഭാഗം

1. പി ഗിരീഷ് (എച്ച്എസ്ടി ഗണിതം കെഎഎച്ച്എച്ച്എസ്എസ്, കോട്ടോപ്പാടം, പാലക്കാട്)

2. വി പി സജിമോൻ (ഫിസിക്കൽ എഡ്യുക്കേഷൻ ടീച്ചർ, സി കെ. മെമ്മോറിയൽ ഹയർ സെക്കന്ററി സ്‌കൂൾ, കോരുത്തോട്, കോട്ടയം)

3. വിൻസി വർഗ്ഗീസ് (ഹെഡ്മിസ്ട്രസ്സ്, സേക്രട്ട് ഹാർട്ട് സിജിഎച്ച്എസ്എസ്, തൃശ്ശൂർ)

4. പി എം സജിത് കുമാർ (എച്ച്എസ്ടി മലയാളം ഗവ. എച്ച്എസ്എസ്, മമ്പറം, ആയിത്തറ, കണ്ണൂർ)

5. എം പ്രശാന്ത് (എച്ച്എസ്ടിഎസ്ഐ എച്ച്എസ്എസ്, ഉമ്മത്തൂർ, കോഴിക്കോട്)

ഹയർസെക്കന്ററി വിഭാഗം

1. എൻ കൊച്ചനുജൻ (എച്ച്എസ് എസ്ടി ഹിസ്റ്ററി (സീനിയർ) ഗവൺമന്റ് എച്ച്എസ്എസ്, കുലശേഖരപുരം, കൊല്ലം)

2. എം സുധീർ (പ്രിൻസിപ്പാൾ, ഗവൺമെന്റ് എച്ച്എസ്എസ്, കൊടകര, തൃശ്ശൂർ)

3. എൻ രാധീഷ്‌കുമാർ (ജിഎച്ച്എസ് എസ്ടി (സെലക്ഷൻ ഗ്രേഡ്) എസ് എൻ ട്രസ്റ്റ്‌സ് എച്ച്എസ്എസ്, പള്ളിപ്പാടം, ആലപ്പുഴ)

4. എ നൗഫൽ (പ്രിൻസിപ്പാൾ, ഗവൺമെന്റ് എച്ച്എസ്എസ് കിളിമാനൂർ, തിരുവനന്തപുരം)

വൊക്കേഷണൽ ഹയർ സെക്കന്ററി വിഭാഗം

1. കെ എസ് ബിജു (നോൺ വൊക്കേഷണൽ ടീച്ചർ, കെമിസ്ട്രി, ഗവ. വിഎച്ച്എസ്എസ്, ചോറ്റാനിക്കര, എറണാകുളം)

2. ഷൈനി ജോസഫ് (വൊക്കേഷണൽ ടീച്ചർ ഇൻ എംആർആർടിവി, ടിടിടിഎം വിഎച്ച്എസ്എസ്, വടശ്ശേരിക്കര, പത്തനംതിട്ട)

3. ബി റ്റി ഷൈജിത്ത് (വൊക്കേഷണൽ ടീച്ചർ ഇൻ കമ്പ്യൂട്ടർ ആപ്ലിക്കേഷൻ ഗവ. വിഎച്ച്എസ്എസ് (ബോയ്‌സ്), കൊട്ടാരക്കര, കൊല്ലം)

അഭിനന്ദനങ്ങൾ

പുലിക്കളി മഹോത്സവവുമായി ബന്ധപ്പെട്ട് 08.09.2025 ന് ഉച്ചയ്ക്കുശേഷം തൃശ്ശൂർ താലൂക്കിലെ വിദ്യാഭ്യാസ സ്ഥാപനങ്ങൾക്കും സർക്കാർ ഓഫീസുകൾക്കും അവധി

2025-26 വർഷത്തെ സാമൂഹ്യ ശാസ്ത്ര മേളകളുടെ സ്കൂൾതലം മുതൽ നടത്തേണ്ട മത്സരയിനങ്ങൾക്കുള്ള വിഷയങ്ങൾ

KTET ഹാൾ ടിക്കറ്റ്‌ ഇപ്പോൾ DOWNLOAD ചെയ്യാം

താഴെയുള്ള സൈറ്റ് സന്ദർശിക്കുക

https://ktet.kerala.gov.in

മർഗ്ഗദീപം : ഈ വർഷം ശ്രദ്ധിക്കേണ്ട പ്രധാന കാര്യങ്ങൾ

1️⃣ ഈ വർഷം രണ്ട് ലോഗിൻ ഉണ്ട്.

ഒന്ന് - പ്രിൻസിപ്പൽ ലോഗിൻ

രണ്ട് - ക്ലാർക്ക് ലോഗിൻ

2️⃣-  https://margadeepam.kerala.gov.in/ മാർഗ്ഗദീപത്തിന്റെ you മുകളിൽ കൊടുത്ത സൈറ്റിൽ കയറി

പ്രിൻസിപ്പൽ ലോഗിൻ ക്രിയേറ്റ് ചെയ്യുക

സ്കൂൾ കോഡ് ആണ് യൂസർ നെയിം - അതുതന്നെയാണ് പാസ്സ്‌വേർഡും

ഉദാ : - User Name -18517  

Password -  18517

രണ്ടും നൽകിയ ശേഷം - ക്യാപ്ച്ച കോഡ് നൽകിയശേഷം - പുതിയ പാസ്സ്‌വേർഡ് നിർമ്മിക്കുക

പുതിയ പാസ്സ്‌വേർഡ് നിർമ്മിച്ച ശേഷം

യൂസർ കോഡ് മുകളിൽ പറഞ്ഞതുതന്നെ

അഥവാ സ്കൂൾ കോഡ്

പുതിയ പാസ്സ്‌വേർഡ് വെച്ച് കയറുക

ഇതാണ് പ്രിൻസിപ്പൽ ലോഗിൻ

ക്ലർക്ക് ലോഗിനിലൂടെ വരുന്ന അപേക്ഷകൾ ഇവിടെ വെച്ചാണ് - അപ്പ്രൂവ് ചെയ്യേണ്ടത്

പ്രിൻസിപ്പൽ ലോഗിൻ പുതിയ പാസ്‌വേഡ് ഉപയോഗിച്ച് തുറന്നശേഷം - യൂസർ ലിസ്റ്റ് എടുക്കുക - അവിടെ ക്ലർക്ക് ലോഗിനി നുള്ള - യൂസർ നെയിമും - കണ്ടെത്താൻ സാധിക്കും

C_18517

ഇതേ രൂപത്തിൽ ആയിരിക്കും

ഇതുതന്നെയാണ് പാസ്സ്‌വേർഡും

ഈ യൂസർ കോഡും  പാസ്സ്‌വേർഡും ഉപയോഗിച്ച് ക്ലർക്ക് ലോഗിനിൽ കയറുക

തുടർന്ന് - ക്ലർക്ക് ലോഗിൻ്റെ പാസ്സ്‌വേർഡ് ചേഞ്ച് ചെയ്യുക - പുതിയ പാസ്സ്‌വേർഡ് സൃഷ്ടിക്കുക

അത് ഉപയോഗിച്ച് ക്ലർക്ക് ലോഗിൻ കയറി അപ്ലിക്കേഷൻ - കുട്ടിയുടെ അഡ്മിഷൻ നമ്പർ ഉപയോഗിച്ച് -പൂർത്തീകരിക്കുക

ക്ലർക്ക് ലോഗിനിൽ വരുത്തുന്ന തെറ്റുകൾ തിരുത്താൻ പ്രിൻസിപ്പൽ ലോഗിനിൽ സാധ്യമല്ലെങ്കിലും റിമൂവ്/റിജക്റ്റ് ഓപ്ഷൻ ഉണ്ട്. പ്രിൻസിപ്പൽ ലോഗി നിൽ നിന്ന് റിമൂവ് ചെയ്ത അപേക്ഷകൾ ക്ലർക്ക് ലോഗിനിൽ   നിന്ന് (തെറ്റുകൾ തിരുത്തി ) വീണ്ടും സബ്മിറ്റ് ചെയ്യാവുന്നതാണ്.

സ്കൂൾ പാചക തൊഴിലാളികൾക്ക് ഓണറേറിയവും ഫെസ്റ്റിവൽ അലവൻസും അനുവദിച്ചു

സംസ്ഥാനത്തെ സ്കൂൾ പാചക തൊഴിലാളികൾക്ക് 2025 ജൂലൈ മാസത്തെ ഓണറേറിയവും ഓണം ഫെസ്റ്റിവൽ അലവൻസും വിതരണം ചെയ്യുന്നതിനായി 17,08,13,344 രൂപ അനുവദിച്ചു. 2025 ജൂലൈ മാസത്തെ പാചക തൊഴിലാളികളുടെ ഓണറേറിയം ഇനത്തിലെ സംസ്ഥാന അധിക വിഹിതമായി (കേന്ദ്ര-സംസ്ഥാന നിർബന്ധിത വിഹിതമായ 1000 രൂപ ഒഴികെ) 15,01,56,494 രൂപയാണ് അനുവദിച്ചിട്ടുള്ളത്.

കൂടാതെ, 2025 വർഷത്തെ പാചക തൊഴിലാളികളുടെ ഓണം ഫെസ്റ്റിവൽ അലവൻസ് വിതരണം ചെയ്യുന്നതിനായി 2,06,56,850 രൂപയും അനുവദിച്ചു. ഈ രണ്ട് തുകകളും ചേർത്ത് ആകെ 17,08,13,344 രൂപ ജില്ലകൾക്ക് കൈമാറിയിട്ടുണ്ട്.

ജീവനക്കാർക്ക്‌ 4500 രൂപ ബോണസ്‌ 3000 രൂപ ഉത്സവബത്ത; പെന്‍ഷന്‍കാര്‍ക്ക് 1250 രൂപ

ഓണം പ്രമാണിച്ച് സർക്കാർ ജീവനക്കാർക്കും അധ്യാപകർക്കുമുള്ള ബോണസ് 500 രൂപ വര്‍ദ്ധിപ്പിച്ചു. ഇത്തവണ 4500 രൂപ ബോണസ്‌ ലഭിക്കും. 

ബോണസിന് അർഹത ഇല്ലാത്തവർക്കുള്ള പ്രത്യേക ഉത്സവബത്ത 2750 രൂപയില്‍ നിന്നും 3000 രൂപയായി ഉയര്‍ത്തി നല്‍കുമെന്നും ധനകാര്യ മന്ത്രി കെ എൻ ബാലഗോപാൽ അറിയിച്ചു. 

സർവീസ് പെൻഷൻകാരുടെ പ്രത്യേക ഉത്സവബത്ത 250 രൂപ വര്‍ദ്ധിപ്പിച്ച്.  1250 രൂപയാക്കി.    പങ്കാളിത്ത പെൻഷൻ പദ്ധതി പ്രകാരം വിരമിച്ച പെന്‍ഷന്‍കാര്‍ക്കും പ്രത്യേക ഉത്സവബത്ത ലഭിക്കും. 

സംസ്ഥാനത്തെ എല്ലാ സർക്കാർ ജീവനക്കാർക്കും ഓണം അഡ്വാൻസായി 20,000 രൂപ  അനുവദിക്കും. പാർട്ട്‌ ടൈം, കണ്ടിൻജന്റ് ഉൾപ്പെടെയുള്ള മറ്റു ജീവനക്കാർക്ക് അഡ്വാൻസ് 6000 രൂപയാണ്. 

കഴിഞ്ഞവർഷം ഉത്സവബത്ത ലഭിച്ച കരാർ-സ്കീം തൊഴിലാളികൾ ഉൾപ്പെടെ എല്ലാ വിഭാഗം ജീവനക്കാർക്കും 250 രൂപവീതം വര്‍ദ്ധിപ്പിച്ചു.

  13 ലക്ഷത്തിലധികം വരുന്ന ജീവനക്കാരിലേക്കും തൊഴിലാളികളിലേക്കുമാണ് ഓണം പ്രമാണിച്ചുള്ള പ്രത്യേക സഹായം എത്തുക. 

കേന്ദ്ര സർക്കാർ നയങ്ങൾ മൂലം സംസ്ഥാനം നേരിടുന്ന സാമ്പത്തിക പ്രയാസങ്ങൾക്കിടയിലാണ് ജീവനക്കാരുടെയും പെന്‍ഷന്‍കാരുടെയും ഓണം ആനുകൂല്യങ്ങളില്‍ വര്‍ദ്ധനവ് വരുത്താന്‍ സര്‍ക്കാര്‍ തീരുമാനിച്ചത്.

  കഴിഞ്ഞ വർഷം ആനുകൂല്യം ലഭിച്ച എല്ലാവിഭാഗങ്ങള്‍ക്കും ഇത്തവണ വര്‍ദ്ധിപ്പിച്ച ആനുകൂല്യം ഉറപ്പാക്കുമെന്ന് ധനകാര്യമന്ത്രി വ്യക്തമാക്കി.

എയ്ഡഡ് സ്കൂളുകളിൽ ഭിന്നശേഷി വിഭാഗക്കാർക്ക് നിയമനം നടത്താനായി സംസ്ഥാനതല, ജില്ലാതല സമിതികൾ രൂപീകരിച്ചു: വിദ്യാഭ്യാസമന്ത്രി..

തിരുവനന്തപുരം: എയ്ഡഡ് സ്കൂളുകളിൽ ഭിന്നശേഷി വിഭാഗക്കാർക്ക് നിയമന സംവരണം ഉറപ്പാക്കാനുള്ള നടപടികൾ സർക്കാർ വേഗത്തിലാക്കിയതായി വിദ്യാഭ്യാസമന്ത്രി വി. ശിവൻകുട്ടി.  ഹൈക്കോടതിയുടെയും സുപ്രീം കോടതിയുടെയും നിർദേശങ്ങൾക്കനുസരിച്ച് വിശദമായ മാർഗനിർദേശങ്ങൾ പുറപ്പെടുവിച്ചു. നിയമനം നടത്താനായി സംസ്ഥാനതല, ജില്ലാതല സമിതികൾ രൂപീകരിച്ചതായും മന്ത്രി അറിയിച്ചു.

    1995-ലെ Persons with Disabilities (PWD) Act പ്രകാരം 3 ശതമാനവും, 2016-ലെ Rights of Persons with Disabilities (RPWD) Act പ്രകാരം 4 ശതമാനവും സംവരണം ഭിന്നശേഷിക്കാർക്ക് നിയമപരമായി വ്യവസ്ഥ ചെയ്തിട്ടുണ്ട്. ഈ നിയമങ്ങളുടെ അടിസ്ഥാനത്തിൽ 1996 മുതൽ 2017 വരെ 3% സംവരണവും, പിന്നീട് 4% സംവരണവും നടപ്പാക്കേണ്ടതുണ്ട്.
    ഭിന്നശേഷി നിയമനങ്ങൾക്കായി സംസ്ഥാനതല, ജില്ലാതല സമിതികൾ രൂപീകരിച്ച് ഉത്തരവായി. ഈ സമിതികളുടെ പ്രവർത്തനം ഈ മാസം ഓഗസ്റ്റ് 25-ന് ആരംഭിക്കും. ഒരു മാസത്തിനുള്ളിൽ നിയമന നടപടികൾ പൂർത്തിയാക്കാനാണ് സർക്കാർ ലക്ഷ്യമിടുന്നത്. ഈ നടപടികൾ പൂർത്തിയാക്കുന്നതോടെ, ഭിന്നശേഷി വിഭാഗത്തിൽപ്പെട്ട ഉദ്യോഗാർത്ഥികളെ നിയമിക്കാൻ കഴിയും.
ഭിന്നശേഷി നിയമനം പൂർത്തിയാക്കിയ ശേഷം, താൽക്കാലികമായി നിയമനം ലഭിച്ച മറ്റ് അധ്യാപക-അനധ്യാപക ജീവനക്കാരുടെ നിയമനങ്ങൾ സ്ഥിരപ്പെടുത്തും.
    എംപ്ലോയ്‌മെന്റ് എക്സ്ചേഞ്ച് വഴി ഉൾപ്പെടെ ഇതുവരെ 1100-ൽ പരം ഭിന്നശേഷി വിഭാഗക്കാർക്ക് നിയമനം നൽകിയിട്ടുണ്ട്. ഭിന്നശേഷി നിയമനം നടക്കുന്നത് വരെ, 2018 നവംബർ 18-നും 2021 നവംബർ 8-നും ഇടയിലെ ഒഴിവുകളിൽ നിയമിക്കപ്പെട്ടവർക്ക് പ്രൊവിഷണലായും, അതിനുശേഷം നിയമിക്കപ്പെട്ടവർക്ക് ദിവസവേതനാടിസ്ഥാനത്തിലും ശമ്പളം നൽകും.
    ഇവരുടെ നിയമനങ്ങൾ, ഭിന്നശേഷി നിയമനം പൂർത്തിയാകുന്ന മുറയ്ക്ക് സ്ഥിരപ്പെടുത്തും. പ്രൊവിഷണൽ നിയമനം ലഭിച്ചവർക്ക് പെൻ (PEN) നമ്പർ, കെ.എ.എസ്.ഇ.പി.എഫ്. അംഗത്വം എന്നിവ നൽകാനും സ്ഥാനക്കയറ്റത്തിനും അവധി ആനുകൂല്യങ്ങൾക്കും അർഹതയുണ്ടായിരിക്കും.
    നായർ സർവീസ് സൊസൈറ്റി (എൻ.എസ്.എസ്) നൽകിയ ഹർജിയിൽ, ഭിന്നശേഷി വിഭാഗത്തിനായി മാറ്റിവെച്ച തസ്തികകൾ ഒഴികെയുള്ള ഒഴിവുകളിൽ സ്ഥിരം നിയമനം നടത്താൻ സുപ്രീം കോടതി അനുമതി നൽകിയിരുന്നു. എന്നാൽ, ഈ വിധി എൻ.എസ്.എസ്. മാനേജ്‌മെൻ്റിന് കീഴിലുള്ള സ്കൂളുകൾക്ക് മാത്രമാണ് ബാധകമെന്ന് നിയമോപദേശം ലഭിച്ചിട്ടുണ്ട്. ഇത് പാലിക്കാതിരുന്നാൽ കോടതി അലക്ഷ്യമാകും.

3% DA അനുവദിച്ചു

സർക്കാർ ജീവനക്കാർക്കും പെൻഷൻകാർക്കും 

 3% DA / DR

അനുവദിച്ചു. സെപ്റ്റംബർ ഒന്നിന് പുതുക്കിയ ശമ്പളവും പെൻഷനും ലഭിക്കുമെന്ന് ധനമന്ത്രി അറിയിച്ചു.