കൊറോണ വൈറസുമായി ബന്ധപ്പെട്ട് വിവിധ തരത്തിലുള്ള സംശയങ്ങളും ആശങ്കകളും നിലനിൽക്കുന്നുണ്ട്. അവ അകറ്റുന്നതിനും വിദ്യാർത്ഥികളിൽ വ്യക്തവും കൃത്യവുമായ അവബോധം നൽകുന്നതിനുമായി ആരോഗ്യവകുപ്പ് ഒരു ബോധവൽക്കരണ വീഡിയോ തയ്യാറാക്കിയിട്ടുണ്ട്. ഈ വീഡിയോ സംസ്ഥാനത്തെ 40 ലക്ഷം വിദ്യാർത്ഥികൾക്ക് മുന്നിലായി 2020 ഫെബ്രുവരി മാസം മൂന്നാം തീയതി ഉച്ചയ്ക്ക് 2 മണി, 3 മണി, 4 മണി എന്നിങ്ങനെ മൂന്നു തവണകളിലായി സംപ്രേഷണം ചെയ്യുന്നതിന് പൊതുവിദ്യാഭ്യാസ വകുപ്പ് നിർദേശം നൽകിയിട്ടുണ്ട്. വിക്ടേഴ്സ് ചാനലിലൂടെയും https://victers.kite.kerala.gov.in
എന്ന പോർട്ടലിലൂടെയും ലഭ്യമാകുന്ന ഈ വീഡിയോ പരമാവധി പ്രയോജനപ്പെടുത്തണമെന്ന് മുഴുവൻ വിദ്യാർത്ഥികളോടും അധ്യാപകരോടും അഭ്യർത്ഥിക്കുന്നു.
പ്രൊഫ സി രവീന്ദ്രനാഥ്
പൊതു വിദ്യാഭ്യാസ വകുപ്പ് മന്ത്രി